سوال

جنت کی نہروں میں سے کون سی نہر کس کو ملے گی؟  وضاحت  کے لیے درخواست ہے۔

جواب

"مَثَلُ الْجَنَّةِ الَّتِي وُعِدَ الْمُتَّقُونَ فِيهَا أَنْهَارٌ مِنْ مَاءٍ غَيْرِ آسِنٍ وَأَنْهَارٌ مِنْ لَبَنٍ لَمْ يَتَغَيَّرْ طَعْمُهُ وَأَنْهَارٌ مِنْ خَمْرٍ لَذَّةٍ لِلشَّارِبِينَ وَأَنْهَارٌ مِنْ عَسَلٍ مُصَفًّى وَلَهُمْ فِيهَا مِنْ كُلِّ الثَّمَرَاتِ وَمَغْفِرَةٌ مِنْ رَبِّهِمْ كَمَنْ هُوَ خَالِدٌ فِي النَّارِ وَسُقُوا مَاءً حَمِيمًا فَقَطَّعَ أَمْعَاءَهُمْ" (14 سورۃ محمد)

ترجمہ: جس جنت کا متقیوں سے وعدہ کیا جاتاہے اس کی کیفیت یہ ہے کہ اس میں بہت سی نہریں تو ایسے پانی کی ہیں جس میں ذرا تغیر نہیں ہوگا،  اور بہت سی نہریں دودھ کی ہیں جن کا ذائقہ ذرا بدلا ہوا نہ ہوگا،  اور بہت سی نہریں شراب کی ہیں جو پینے والوں کو بہت لذیذ معلوم ہو گی، اور بہت سی نہریں ہیں شہد کی جو بالکل صاف ہوگا، ا ور ان کے لیے وہاں ہر قسم کے پھل ہوں گے اور ان کے رب کی طرف سے بخشش ہوگی،  کیا ایسے لوگ ان جیسے ہوسکتے ہیں جو ہمیشہ دوزخ میں رہیں گے اور کھولتا ہوا پانی ان کو پینے کو دیا جائے گا سو وہ ان کی انتڑیوں کو ٹکڑے ٹکڑے کردے گا۔ (بیان القرآن، للتھانوی رحمہ اللہ)

البتہ کون سی نہر کس کو ملے گی اس کا تعین دنیا میں نہیں کیا جاسکتا؛ کیوں کہ جنت  میں ایسی عالی شان نعمتیں ہیں کہ نہ کسی کی آنکھ نے  دیکھا ہےا ور نہ کسی کے کان نے ان کے متعلق سنا ہے اور نہ ہی کسی کے دل میں ان کا خیال گزرا ہے۔

حضور اکرم صلی اللہ علیہ وسلم کا ارشاد مبارک ہے:

"حدثنا أبو بكر بن أبي شيبة، وأبو كريب، قالا: حدثنا أبو معاوية، ح وحدثنا ابن نمير - واللفظ له - حدثنا أبي، حدثنا الأعمش، عن أبي صالح، عن أبي هريرة، قال: قال رسول الله صلى الله عليه وسلم: " يقول الله عز وجل: أعددت لعبادي الصالحين، ما لا عين رأت، ولا أذن سمعت، ولا خطر على قلب بشر، ذخرا، بله ما أطلعكم الله عليه " ثم قرأ {فلا تعلم نفس ما أخفي لهم من قرة أعين} [السجدة: 17]"

(باب صفۃ الجنة، الصحیح للمسلم)

فقط واللہ اعلم