سوال

 عموماً سلیپنگ سوٹ ہم بستری کے بعد پہن لیتے ہیں اور صبح غسل کر کے پاک ہو کر دوسرے کپڑے پہن لیتے ہیں اور اگلی رات وہی سلیپنگ سوٹ پہن کر سو جائیں بغیر ہم بستری کے،  کیا صبح پھر غسل کر کے پاک ہو نا پڑے گا؟

جواب

بصورتِ مسئولہ ہم بستری کے بعد غسل سے قبل جو سلیپنگ سوٹ استعمال کیا اور اگلی رات دوبارہ اسے پہن لیا تو محض سلیپنگ سوٹ کے استعمال سے غسل فرض نہیں ہوگا۔ غسل فرض ہونے کے لیے یا تو انزال (شہوت کے ساتھ منی کا شرم گاہ سے خارج ہونا) یا دخول (مرد کی شرم گاہ کا عورت کی شرم گاہ میں داخل) ہونا ضروری ہے۔  فقط واللہ اعلم