سوال

 مجھے اس حدیث کا حوالہ بتا دیں کہ یہ حدیث صحیح ہے یا ضعیف ہے:

"آپ صلی اللہ علیہ وسلم نے فرمایا: اسلام میں آنے کے بعد جو جاہلیت کے نعرے لگائے،  وہ اپنا ٹھکانہ جہنم میں بنالے،  پوچھا کہ وہ نماز پڑھتا ہو روزہ رکھتا ہو اس کے باوجود؟  آپ  ﷺ نے فرمایا:  اس کے باوجود۔"

جواب

یہ حدیث سنن الترمذی میں موجود ہے اور خود امام ترمذی رحمہ اللہ نے اس پر "صحیح" ہونے کا حکم لگایا ہے ، ملاحظہ فرمائیں :

" ومن ادعى دعوى الجاهلية فإنه من جثا جهنم، فقال رجل: يا رسول الله وإن صلى وصام؟ قال: وإن صلى وصام، فدعوا بدعوى الله الذي سماكم المسلمين المؤمنين عباد الله. هذا حديث حسن صحيح غريب، قال محمد بن إسماعيل: الحرث الأشعري له صحبة وله غير هذا الحديث ."
(سنن الترمذی ، کتاب الامثال ، مثل الصلاۃ والصیام والصدقۃ :۵/۱۴۸، ط: داراحیاء التراث العربی)

فقط واللہ اعلم