اگر کوئی نذر مانے کہ جب جب میں کسی لڑکی کو غلط نظر سے دیکھوں تو میں تین روزے رکھوں گا پھر پانچ مرتبہ ایسا کیا تو کتنے روزے رکھنے پڑیں گے؟
اگر کوئی نذر مانے کہ جب جب میں کسی لڑکی کو غلط نظر سے دیکھوں تو میں تین روزے رکھوں گاتو ہر مرتبہ دیکھنے پر تین روزے لازم ہوں گے اور پانچ مرتبہ ایسا کیا تو پانچ کفارے(پندرہ روزے رکھنے) لازم تھے، تاہم ایک ہی کفارہ (یعنی تین روزے) بھی کافی ہوگا۔
"كفارات الأيمان إذا كثرت تداخلت، ويخرج بالكفارة الواحدة عن عهدة الجميع، وقال شهاب الأئمة: هذا قول محمد. قال صاحب الأصل: هو المختار عندي."
(کتاب الأیمان جلد ۳ ص: ۷۱۴ ط: دار الفکر)
فقط و اللہ اعلم
فتوی نمبر : 144405100105
دارالافتاء : جامعہ علوم اسلامیہ علامہ محمد یوسف بنوری ٹاؤن