1۔ استخارہ کی دعا کرتے وقت ’’هذا الأمر‘‘ پر پنجا بی میں اپنے کام کا نام زبان سے لے سکتے ہیں؟
2۔ اور استخارہ کیا دن کے وقت بھی کر سکتے ہیں؟
1۔ استخارے کی دعا میں مذکورہ مقام پر اپنی مادری زبان میں بھی اپنا مطلوب و مقصود باری تعالی کے سامنے پیش کر سکتے ہیں، البتہ اگر کوئی شخص استخارے کی دعا نماز کے اندر پڑھے تو اپنی مادری زبان میں تلفظ کرنے کی اجازت نہیں ہوگی۔
2۔ سنت کے مطابق استخارے کا طریقہ یہ ہے کہ دن رات میں کسی بھی وقت (بشرطیکہ وہ نفل کی ادائیگی کا مکروہ وقت نہ ہو)دو رکعت نفل استخارہ کی نیت سے پڑھیں،اورسلام پھیر کر نماز کے بعد استخارہ کی وہ مسنون دعا مانگیں جو حضور صلی اللہ علیہ وسلم نے تلقین فرمائی ہے۔ فقط واللہ اعلم
فتوی نمبر : 144108200308
دارالافتاء : جامعہ علوم اسلامیہ علامہ محمد یوسف بنوری ٹاؤن