کیا دبئی اسلامک بنک میں سیونگ اکاؤنٹ پرماہانہ منافع لینا حلال ہے؟ کچھ علماءکرام اسے حلال تو کچھ حرام کہتے ہیں ،جناب! مجھےجواب میں اسلامی بینکنگ کی تعریف نہیں،بس ہاں یا نہیں میں ایک مکمل جواب چاہیے ۔
واضح رہےکہ مروجہ اسلامی بینکوں میں سیونگ اکاؤنٹ کھولنااورپھر اس کے ذریعہ نفع حاصل کرنا شرعی مفاسد پر مشتمل ہونے کی وجہ سے ناجائز اور حرام ہے،نیز اسلامی بینک کےنفع کے بارے میں جو اختلاف ہے ،وہ افضل اور غیر افضل میں نہیں ،بلکہ یہ حرام و حلال کا اختلاف ہے،اور اس صورت میں حرام کو ترجیح ہوتی ہے۔
سنن إبن ماجہ میں ہے:
"عن عبد الله بن مسعود: أن رسول الله - صلى الله عليه وسلم - لعن آكل الربا وموكله وشاهديه وكاتبه."
(کتاب التجارۃ، باب التغلیظ فی الربا، ج: 2 ص: 764 ط: دار الرسالة)
فقط واللہ اعلم
فتوی نمبر : 144503102237
دارالافتاء : جامعہ علوم اسلامیہ علامہ محمد یوسف بنوری ٹاؤن