میزان بینک کے اصول اسلامی ہیں یا نہیں؟
میزان بینک سمیت تمام مروجہ اسلامی بینکوں میں سے کوئی بھی بینک مکمل اسلامی اصولوں پر مشتمل نہیں ہے، بلکہ اسلامی بینکاری نظام کا دعوی کرنے والے تمام مروجہ اسلامی بینکوں کا نظام بہت سے ایسے غیر اسلامی اصولوں پر مشتمل ہے جو اسلام میں ممنوع قرار دیے گئے ہیں، اس لیے میزان بینک سمیت کسی بھی مروجہ اسلامی بینک کے ساتھ کسی بھی طرح کا تمویلی معاملہ (سیونگ اکاؤنٹ، قسطوں پر گاڑی یا گھر خریدنا وغیرہ) کرنا جائز نہیں ہے، البتہ مجبوری کی حالت میں جس طرح سودی بینکوں میں کرنٹ اکاؤنٹ کھلوانے کی گنجائش ہے، اسی طرح مروجہ اسلامی بینکوں میں بھی صرف کرنٹ اکاؤنٹ کھلوانے کی گنجائش ہے۔فقط واللہ اعلم
فتوی نمبر : 144206201075
دارالافتاء : جامعہ علوم اسلامیہ علامہ محمد یوسف بنوری ٹاؤن