ایک ایپ ہے "اسلام 360" اس کو جب میں نے ڈاؤن لوڈ کیا تو اس میں جامعہ بنوری ٹاؤن کے سرٹیفیکیٹ کی تصویر تھی، جس میں آپ کی طرف سے یہ تصدیق کی گئی کہہ یہ ایپ بہت اچھی ہے، کیا یہ درست ہے، وہ سرٹیفکیٹ صحیح ہے؟
جامعه كے دارالافتاء کی طرف سے مذکورہ ایپ سے متعلق تصدیقی سرٹیفکٹ جاری نہیں کیا گیا ہے، آپ نے شاید غور نہیں فرمایا، مذکورہ ایب کی تصدیق ”جامعہ علوم اسلامیہ علامہ محمد یوسف بنوری ٹاؤن کراچی“ کی طرف سے نہیں ہے، بلکہ ان کی ایپ پر تصدیقات میں "الجامعہ البنوریہ العالمیہ" کا تصدیقی سرٹیفکٹ موجود ہے، جو کراچی میں سائٹ ایریا واقع ایک مستقل ادارہ ہے، اس کا کسی قسم کا کوئی انتظامی تعلق ہمارے ادارے ”جامعۃ العلوم الاسلامیہ علامہ محمد یوسف بنوری ٹاؤن“ کراچی سے نہیں ہے۔
باقی واضح رہے کہ مذکورہ ایپ سے متعلق مکمل تحقیق اور اس کے تمام مندرجات کو مکمل دیکھے بغیر اس کی تصدیق یا تردید نہیں کی جاسکتی ہے۔ فقط واللہ اعلم
فتوی نمبر : 144204200778
دارالافتاء : جامعہ علوم اسلامیہ علامہ محمد یوسف بنوری ٹاؤن