گاؤں میں ایک ہی امام صاحب ہیں، ان کے علاوہ اس گاؤں میں کوئی بھی امامت کے قابل نہیں ہے اور امام صاحب ایکسیڈنٹ کی وجہ سے رکوع پر تو قادر ہیں، لیکن سجدہ اشارہ سے کرتے ہیں۔ تو کیا نماز ہوجائے گی؟
اشارے سے سجدہ کرنے والے کی اقتدا میں تندرست آدمی کی نماز درست نہیں ہوتی،لہذا اگر امام صاحب ایکسڈنٹ کی وجہ سے زمین پر سجدہ نہیں کرسکتے،صرف اشارے سےسجدہ کرر ہے ہیں،تو ان کے پیچھے تندرست حضرات کی نماز نہیں ہوگی،لہٰذا مسجد انتظامیہ کو چاہیے کہ جب تک امام صاحب امامت کے قابل نہ ہوجائیں، ان کا نائب تلاش کرے یا نمازی حضرات میں سے کسی باشرع آدمی کو امامت کے لیے آگے کردیا کریں۔
الدر المختاروحاشیہ ابن عابدین میں ہے:
"(و) لا (قادر على ركوع وسجود بعاجز عنهما) لبناء القوي على الضعيف.
(قوله بعاجز عنهما) أي بمن يومئ بهما قائما أو قاعدا، بخلاف ما لو أمكناه قاعدا فصحيح كما سيأتي. قال ط: والعبرة للعجز عن السجود، حتى لو عجز عنه وقدر على الركوع أومأ."
(باب الامامۃ،ج1،ص579،ط؛سعید)
فقط واللہ اعلم
فتوی نمبر : 144408100596
دارالافتاء : جامعہ علوم اسلامیہ علامہ محمد یوسف بنوری ٹاؤن