سوال

آپ نے فتوی نمبر 144110200900 کے تحت عشاء کی نماز کی دو رکعت سنت کے بعد چار رکعت نفل نماز کے بارے میں فرمایا کہ ایسی کوئی حدیث نہیں ملی جس میں ان نوافل کی فضیلت لیلتہ القدر کی عبادت کی طرح بیان کی گئی ہو ۔ اس کے برخلاف فتوی نمبر 144003200378 میں ایسی متعدد روایات کو بیان کیا گیا ہے جن میں ان نوافل کی فضیلت لیلتہ القدر کی عبادت کی طرح بیان کی گئی ہے ۔ براہ مہربانی وضاحت فرمائیں کہ کون سا فتوی درست ہے ؟

جواب

فتوی نمبر  144003200378 میں جو بات ذکر کی گئی ہے ( کہ عشاء کی نماز کی دو رکعت سنت مؤکدہ پڑھنے کے بعد ایک سلام کے ساتھ چار رکعت نفل پڑھنے سے لیلۃ القدر میں اتنی رکعتیں پڑھنے کے برابر ثواب ملتا ہے) وہ درست ہے۔ یہ فضیلت  ان روایات  سے ثابت ہے جو کہ اس فتوی میں موجود ہیں۔

فتوی نمبر  144110200900 میں  جو  ایسی  فضیلت پر  مشتمل  روایت نہ   ملنے والی بات لکھی گئی، اس سے رجوع کرتے ہوئے اسے ویب سائٹ سے ہٹایا جارہاہے۔

مذکورہ تسامح پر توجہ دلانے پر ادارہ سائل کا شکر گزار ہے۔ فقط واللہ اعلم