سوال

ارتضی یا ارتضحٰی نام رکھنا کیسا ہے؟ اور اس کے عربی و اردو میں کیا معانی ہیں؟

جواب

۱۔ ارتضاء کا معنی ہے پسند کرنا، منتخب کرنا، موزوں اور لائق سمجھنا اور ارتضی اسی مصدر سے فعلِ ماضی کا صیغہ ہے، یہ نام رکھنا درست ہے۔

لسان العرب میں ہے:

"‌ورضيه لذلك الأمر، فهو مرضو ومرضي. وارتضاه: رآه له أهلا."

(فصل الراء المهملة، ج: 14، ص: 324، ط: دار صادر بيروت)

۲۔ ارتضحیٰ عربی لغت میں نہیں ہے، بلکہ اِرتضح ہے، جس کا معنی ہے توڑنا، پیسنا، عذر پیش کرنا، اس معنی کے لحاظ سے یہ نام رکھنا درست نہیں ہے۔

تاج العروس میں ہے:

"(‌رضح الحصى والنوى كمنع) يرضحه رضحا: (كسره) ودقه، وبالحجر رأسه: رضه.

(وارتضح من كدا) ، إذا (اعتذر)."

(رضح، ج:6، ص: 397، ط: دار الهداية)

فقط والله أعلم