زید اقامت کہہ کر مسجد سے چلا گیا اور پھر دو رکعت بعد آگیا تو اس سے دوسروں کی نماز ٹھیک ہو جائے گی؟
واضح رہے کہ اقامت نماز کے لیے سنت ہے،اگر کوئی شخص کسی عذر کی بناء پر مثلاً وضو ٹوٹنے کی وجہ سے اقامت کہہ کر چلا گیا تو اس سے دوسروں کی نماز میں کوئی فرق نہیں ہوگا،بلا کراہت ان کی نماز درست ہوجائےگی۔
فتاوی عالمگیری میں ہے:
"والإقامة مثل الأذان في كونه سنة للفرائض فقط. كذا في البحر الرائق."
(كتاب الصلاۃ،الباب الثانی فی الاذان،53/1،ط:رشیدیہ)
فقط واللہ اعلم
فتوی نمبر : 144404101160
دارالافتاء : جامعہ علوم اسلامیہ علامہ محمد یوسف بنوری ٹاؤن