انشاء نور نام کا معنیٰ کیا ہے اور یہ نام رکھنا کیسا ہے ؟
"انشاء " کے معنی عربی زبان میں "پیدا کرنے / ایجاد کرنے " کے آتے ہیں ،جب کہ "نور" کے معنی روشنی کے ہیں، معنیٰ کے اعتبار سے یہ کوئی اچھا نام نہیں ۔ ناموں کے سلسے میں بہتر یہ ہےکہ اچھے معنی ٰوالےنام کا انتخاب کیا جائے،تا ہم لڑکوں کا نام انبیاء کرام علیہم السلام اور صحابہ کرام رضی اللہ عنہم جب کہ لڑکیوں کے نام ازواجِ مطہرات و دیگر صحابیات رضی اللہ عنہن کے ناموں میں سے منتخب کرنا زیادہ بہتر ہے۔
القاموس الوحید میں ہے:
"نشا الشئی، پیدا کرنا، وجود میں لانا، تخلیق کرنا۔"
(ص: 1300، ط: ادارۃ اسلامیات)
لسان العرب میں ہے:
"نشأ: أنشأه الله: خلقه. ونشأ ينشأ نشأ ونشوءا ونشاء ونشأة ونشاءة: حيي، وأنشأ الله الخلق أي ابتدأ خلقهم."
(فصل النون، ج:1، ص:170، ط: دار صادر بیروت)
الصحاح تاج اللغۃ میں ہے:
"[نور] النور: الضياء، والجمع أنوار."
(فصل النون، نور، ج:2، ص:838، ط: دار العلم للملايين - بيروت)
فقط واللہ اعلم
فتوی نمبر : 144502102173
دارالافتاء : جامعہ علوم اسلامیہ علامہ محمد یوسف بنوری ٹاؤن