سوال

میں نے ایک بندے کو بولا آ جاؤ نماز پڑھیں  تو اس نے جواب میں کہا کہ  ان شاء اللہ میں نماز پڑھوں گا، میرے منہ سے غلطی سے نکل گیا کہ "ان شاءاللہ نہیں، ابھی نماز پڑھنی ہے، یعنی میں نے بولا:  "ان شاءاللہ نہیں، ابھی پڑھنی ہے" تو "ان شاءاللہ نہیں" کا کیا حکم ہے؟  ( یعنی غلطی سے میں نے ان شاءاللہ کو رد کر دیا)

جواب

مذکورہ جملہ سے آپ کا مقصد  اگرچہ (نعوذباللہ ) "ان شاء اللہ" کو رد کرنا نہیں تھا، بلکہ مخاطب کے نماز کے ٹالنے کو رد کرنا تھا اور اس کو فوری نماز پر آمادہ کرنا تھا، لیکن چوں کہ ظاہری کلام سے خلافِ مقصد کا بھی وہم ہوسکتا ہے؛ اس لیے استغفار کرتے ہوئے   آئندہ ایسے جملوں سے احتیاط کریں۔ فقط واللہ اعلم