سوال

آج کل کے ادارے یا اور کوئی تنظیم امداد دینے کے لیے شناختی کارڈ / تصاویر کا مطالبہ کرتے ہیں، کیا یہ ان کا یہ مطالبہ جائز ہے؟

جواب

اگر کوئی ادارہ اپنے نظم کو درست رکھنے کے لیے یا ریکارڈ رکھنے کے لیے امداد دیتے وقت شناختی کارڈ کا مطالبہ کرتا ہے تو اس میں شرعاً کوئی حرج نہیں،اس سے ضرورت پوری ہوسکتی ہے، لہذا تصاویر کا مطالبہ  کرنا جائز  نہیں۔

حدیث شریف میں ہے:

"عن نافع ، أن ابن عمر أخبره، ‏‏‏‏‏‏أن رسول الله صلى الله عليه وسلم، ‏‏‏‏‏‏قال:‏‏‏‏ " الذين يصنعون الصور يعذبون يوم القيامة، يقال لهم: أحيوا ما خلقتم ".

(صحيح مسلم (3 / 1669)،  باب لا تدخل الملائكة بيتا فيه كلب ولا صورة)

ترجمہ: سیدنا عبداللہ بن عمر رضی اللہ عنہما سے روایت ہے، رسول اللہ صلی اللہ علیہ وسلم نے فرمایا: ”جو لوگ مورتیں بناتے ہیں ان کو قیامت میں عذاب ہو گا، ان سے کہا جائے گا جِلاؤ  ان کو جن کو تم نے بنایا۔“

فقط واللہ اعلم