سوال

کیا امام  ابن شہاب زہری  رحمہ اللہ نے کوئی تصنیف بھی چھوڑی ہے؟

جواب

محققین کے نزدیک معروف معنوں میں امام زہری رحمہ اللہ کی کوئی تصنیف نہیں، البتہ ان کے شاگردوں نے ان سے سنی گئی روایات جمع کرکے بعض مجموعے ترتیب دیے ہیں، جو  ان  کی جانب منسوب کیے جاتے ہیں، مثلا: "مسند الزھری"  یا  "کتاب المغازی"، جو ان کی جانب منسوب ہیں۔ (ملاحظہ فرمائیے: الإمام الزهري، عالم الحجاز والشام للشيخ محمد محمد حسن شرّاب، ص : ۳۲۵ تا ۳۵۲، طبع دار القلم دمشق الشام) فقط واللہ اعلم