سوال

1۔ کیا اس مہنگائی کے دور میں مسجد کی اچھی خاصی آمدنی کے باوجود امام و خطیب کے لیے 22500 روپے تنخواہ دینا درست ہے۔

2۔امام مسجد سےمسجد کی طرف سے دیے گئے گھر کے   بجلی و غیرہ کے بل کی مد میں رقم وصول کرنا درست ہے؟ 

3۔اگر مسجد انتظامیہ امام کے ساتھ اس طرح کا معاملہ کرے ،جب کہ مؤذن اور خادم کے گھر کے بل کا خرچہ چندے سے ادا کرے تو ایسے افراد کو اخلاقاً از خود مسجد کمیٹی سے استعفاء دے دینا چاہیے؟

4۔اگر مسجد انتظامیہ کو امام کے ساتھ اس طرح کا معاملہ نہیں کرنا چاہیے تھاتو اب انتظامیہ کو اپنی غلطی کی تلافی کیسے کرنی چاہیے؟

جواب

منصبِ امامت ،پیشہ ور ملازمتوں کی طرح کوئی ملازمت نہیں ہے،بلکہ یہ دینِ اسلام کا ایک بہت بڑا معزز اور اہم منصب ہے،اس عظیم منصب کے حامل حضرات کے ساتھ انتہائی اعزاز و احترام کا معاملہ کرنا چاہیے،ان کو اپنا مذہبی پیشوا اور سردار سمجھنا چاہیے،کیوں کہ امام نائب رسول صلی اللہ علیہ وسلم ہے،اللہ رب العزت اور مقتدیوں کے درمیان قاصد و ایلچی ہے، ان کو دیگر ملازمین اور نوکروں کی طرح سمجھنا منصب امامت کی سخت توہین و تذلیل ہے۔ اسی طرح امام کی ضروریات،اس کی علمی قابلیت،تقوی وطہارت اور صلاح کوسامنے رکھتے ہوئے حالات کے مناسب  تنخواہ مقرر کرنی چاہیے،کہ وہ یکسوئی کے ساتھ دین کے کاموں میں مشغول ہو۔

  4۔1۔لہذا صورتِ مسئولہ میں  امام صاحب کی تنخواہ اس کی گھریلو ضروریات وحاجات کے لیے ناکافی ہو اور مسجد کا فنڈ بھی موجود ہو تو مسجد کمیٹی ممبران کو اس بارے میں غور و فکر کرنے کی ضرورت ہے اور امام کی ضرویات کے مطابق تنخواہ اور سہولیات مقرر کرنا چاہیے۔

فقط والله أعلم