سوال

کیا فرماتےہیں کہ میں نے ایک کلپ میں سنا تھا کہ ایک مولانا صاحب اصول کافی کے حوالے سے بتاتے ہیں ایک دفعہ حضرت امام جعفر ہزاروں لوگوں سے  اللہ کے رسول کی ایک حدیث بیان فرما رہے تھے پاس ہی میں ایک جگہ آگ جل رہی تھی اتنے میں ایک شخص صفوں کو چیرتا ہوا آتا ہے اور کہتا ہے اے امام آپ یہاں اپنے جد امجد کی احادیث بیان کر رہے ہیں اور حالت یہ ہے کہ ظالم حکمران ہم پر مسلط ہیں، اٹھیے اعلان جہاد  کیجیے،  ہم آپ کے ہاتھ پر بیعت کرتے ہیں۔ یہ سن کر امام نے اپنے ایک غلام کو پاس جلتی آگ میں کودنے کا کہا اور اس نے چھلانگ لگا دی۔ کچھ دیر بعد آپ نے اُس غلام کو آواز دی اس نے جواب میں لبیک کہا۔ یہ دیکھ کر لوگ حیران ہوگئے، اتنے میں ہی سائل نے پوچھا کہ اے ابو عبد اللّٰه میں نہیں سمجھ سکا کہ آپ کیا دکھانا چاہتے ہیں۔ جواب میں آپ نے کہا کہ میں اپنے غلام سے کیا پوچھتا ہوں اس پر غور کر۔ آپ نے اپنے غلام سے پوچھا کہ تو نے آگ میں چھلانگ کیوں لگائی، کیا تجھے یہ نہیں لگا کہ تو جل جائے گا؟ غلام نے جواب دیا سچا غلام وہ جو اپنے آقا کا حکم مانے، انجام کی کیا پرواہ۔ پھر امام فرماتے ہیں کہ یہ ہے میرا حقیقی شیعہ، تو یہ جو دیکھ رہا ہے ہزاروں کا مجمع اس میں سے ایک بھی میرا شیعہ نہیں۔ اگر میرے پاس ایسے گیارہ غلام بھی ہوتے تو میں بادشاہ کے خلاف اعلان جہاد کر دیتا۔  برائے کرم اس واقعہ کا حوالہ اگر کتبِ شیعہ سے مل جائے تو بہت مہربانی ہوگی!

جواب

ہماری مستند کتابوں میں ہمیں یہ واقعہ نہیں ملا ۔فقط و اللہ اعلم