سوال

کیا اجتماعی قربانی کے لیے جمع کئے گئے پیسوں کو جانور کے چارہ ، اور دیکھ بھال کرنے والے کی اجرت وغیرہ امور میں خرچ کر سکتے ہیں ؟

جواب

اجتماعی قربانی کا انتظام کرنے والے ادارے / شخص اگر حصہ لینے والے افراد کو یہ بتا دیتے ہوں کہ  مذکورہ بالا اخراجات ان کی دی ہوئی رقم سے ادا کئے جائیں گےتو  ان اخراجات کی ادائیگی حصوں کی رقم سے کی جاسکتی ہے۔

"سنن الترمذي" میں ہے:

"حدثنا كثير بن عبد الله بن عمرو بن عوف المزني ، عن أبيه ، عن جده أن رسول الله صلى الله عليه وسلم قال ... والمسلمون على شروطهم، إلا شرطا حرم حلالا أو أحل حراما."

ترجمہ: رسول اللہ صلی اللہ علیہ وسلم نے فرمایا: ... "مسلمان اپنی باہمی شرطوں کے پابند ہوں گے، سوائے ایسی شرط کے جو کسی حلال کو حرام یا کسی حرام کو حلال کر دے۔"

 (‌‌أبواب الأحكام عن رسول الله صلى الله عليه وسلم، باب ما ذكر عن رسول الله صلى الله عليه وسلم في الصلح بين الناس، رقم الحدیث:1352، ج:3، ص:27، ط:دار الغرب الإسلامي بيروت)

فقط واللہ اعلم