کن کن مقامات پر اجتماعی دُعا جائز ہے اور کن مقامات پر ناجائز؟
جن مواقع پر آپ ﷺ سے اجتماعی طور پر دعا کرنا ثابت ہو مثلًا نمازوں کے بعد، عیدین یا کسوف کے موقع پر، تدفین کے بعد وغیرہ، ان مواقع پر اجتماعی دعا کرنا جائز ہے، اور جن مواقع پر اجتماعی دعا کرنا منقول نہ ہو، لیکن اس کی ممانعت بھی نہ ہو، تو وہاں اجتماعی دعا کو لازم سمجھے بغیر موقع محل کی مناسبت سے اجتماعی طور پر دعا کرلی جائے تو یہ بھی منع نہیں ہے، اور جہاں اجتماعی دعا کرنا ثابت نہ ہو وہاں اس کو لازم اور ضروری سمجھ کر یا کسی خاص فضیلت کا باعث سمجھ کر کرنا یا جہاں دعا کرنا ثابت ہے ، لیکن صرف ثبوت یا استحباب ثابت ہے، وہاں اسے لازم سمجھنا، یا کسی خاص کیفیت کو لازم سمجھ کر اجتماعی دعا کا التزام کرنا اور نہ کرنے والوں پر نکیر کرنا جائز نہیں ہے۔ فقط واللہ اعلم
فتوی نمبر : 144109202415
دارالافتاء : جامعہ علوم اسلامیہ علامہ محمد یوسف بنوری ٹاؤن