سوال

 مجھے پیشاب کرنے کےبعد جب میں اٹھتا ہوں تو قطرے گرتے ہیں اور تقریبًا 300 تین سو قدم گھومتا ہوں تو پھر پیشاب کے قطرے آنا بند ہوتے  ہیں، اب  میرا ان شااللہ عمرہ پر جانے کا ارادہ ہے،  کیا میں احرام کی حالت میں انڈر وئیر پہن سکتا ہوں پیشاب کے قطروں کی  وجہ سے تاکہ اندر پیشاب خشک کرنے کے لیے ٹشوں رکھ سکوں؟

جواب

 واضح رہے کہ مرد کے لیے احرام کی حالت میں سلا ہوا کپڑا استعمال کرنا ممنوع ہے، جس کی وجہ سے حالتِ احرام میں انڈر ویئر بنیان وغیرہ پہننے کی اجازت نہیں لہذا صورت مسئولہ میں سائل کو تین سو قدم چلنے کے بعد قطرے آنا رک جاتے ہیں تو  سائل کے لیے احرام کی حالت میں انڈر وئیر پہنا جائز نہیں ہے ؛ لہذا  سائل کو چاہیے کہ وہ نمازوں اور طواف سے پہلے اچھی طرح اطمینان کرنے کے بعد وضوکرکے آئے یا مجبوری کی صورت میں  کسی کپڑے کو جو سلا ہوا نہ ہو بطور لنگوٹ استعمال کرسکتا ہے۔

بدائع الصنائع میں ہے:

"فالمحرم لا يلبس المخيط جملة."

(کتاب الحج ، فصل محظورات الاحرام جلد ۲ ص: ۱۸۳ ط: دارالکتب العلمیة)

فقط واللہ اعلم