حرم شریف میں ہر وقت ہر جگہ صفائی ہوتی ہے، وہ جو پانی صفائی کے لئے استعمال کرتے ہیں اس میں جو کیمیکل ڈالتے ہیں اس سے خوشبو آتی ہے ، یہ پانی اگر پاؤں کو لگ جائے یا نماز پڑھتے وقت وہ جگہ گیلی ہو اور احرام بھی اس خوشبو والے پانے سے گیلا ہو جائے، تو وہ پانی جس میں کیمیکل والی خوشبو ہے، اس سے دم آئے گا یا نہیں؟
حرم شریف میں جو صفائی کے دوران خوشبو دار کیمیکل استعمال کئے جاتے ہیں، اگر احرام کی حالت میں بدن یا کپڑے سےلگ جائے تو اس پر دم یا صدقہ واجب نہیں ہوگا۔
فتاوی تاتارخانیہ میں ہے:
"خلوق البیت او خلوق الغیر اذا اصاب ثوب المحرم غسلہ ولا شیٔ علیہ وإن كان كثيرا، وإن اصاب جسده منه كثير فعليه دم"
(الفتاوى التاتارخانية: كتاب الحج، نوع منه في الدهن والتطييب والخضاب، ج:3 ص:589، ط: مكتبة زكريا ديوبند)
فقط والله اعلم
فتوی نمبر : 144509101938
دارالافتاء : جامعہ علوم اسلامیہ علامہ محمد یوسف بنوری ٹاؤن