سوال

ایمان  کی تعریف کیا ہے؟

جواب

لغت میں ایمان کے معنی تصدیق اور تسلیم کے ہیں۔اور شریعت کی اصطلاح میں ایمان کہا جاتا ہے کہ وہ تمام چیزیں جو نبی کریم ﷺاللہ کی طرف سے لے کر آئے ہیں ، جو قطعیت کے ساتھ نبی کریم ﷺسے ثابت ہیں ، ان کی دل سے تصدیق کرنااور زبان سےاس کا اقرار کرنایہ ایمان کہلاتا ہے۔

التعریفات میں ہے :

’’ الإيمان في اللغة التصديق بالقلب وفي الاعتقاد بالقلب والإقرار باللسان ۔‘‘

(ج:1،ص:60،ط:دارالکتاب العربی ،بیروت)

البحرالرائق میں ہے :

’’ والإيمان التصديق بجميع ما جاء به محمد عن الله تبارك وتعالى مما علم مجيئه به ضرورة ۔‘‘

(ج:5،ص:129،ط:دارالمعرفہ بیروت)

فتاوی شامی میں ہے:

’’الإيمان ) وهو تصديق محمد صلى الله عليه وسلم في جميع ما جاء به عن الله تعالى مما علم مجيئه ضرورة وهل هو فقط أو هو مع الإقرار قولان وأكثر الحنفية على الثاني والمحققون على الأول ‘‘۔

(ج:4،ص:221،ط:سعید)

فقط واللہ اعلم