سوال

عدّت کے دوران میاں بیوی ایک دوسرے سے بات کرسکتے ہیں؟

جواب

طلاقِ رجعی کی عدت میں عدت کے ختم ہونے تک شوہر کوبیوی سے رجوع کا حق باقی رہتا ہے، اس لیے طلاقِ رجعی کی عدت میں میاں بیوی کا بات چیت کرنا درست ہے۔ اور اگر اس بات چیت میں شوہر زبانی طور پر  رجوع کرتا ہے تو رجوع بھی شرعاً ثابت ہوجائے گا۔

البتہ طلاقِ بائن یا طلاقِ مغلظہ (تین طلاقوں) کی صورت میں چوں کہ باہمی نکاح ختم ہوجاتا ہے، اور میاں بیوی ایک دوسرے کے لیے اجنبی بن جاتے ہیں، اس لیے  طلاقِ بائن یا طلاقِ مغلظہ کی عدت میں ضرورت شدیدہ کے بغیر باہمی بات چیت کرنا درست نہیں۔  فقط واللہ اعلم