کیا عیدین کی نماز پر اجرت لینا جائز ہے یا نہیں ؟
فرض نماز پڑھانے ( یعنی امامت) اور تعلیمِ قرآن (قرآن سکھانے اورپڑھانے) کی اجرت لینے کو حضرات ِ متأخرینِ احناف نے بوجہ ضرورت جائز قرار دیا ہے، لیکن یہ اجرت اصل میں نماز یا قرآن پڑھانے کی نہیں ہوتی، بلکہ ان کاموں کے لیے اپنے آپ کو محبوس اور دیگر کاموں سے فارغ رکھ کر وقت دینے کی ہے، اس لیے صورتِ مسئولہ میں اگر کوئی شخص عیدین کی نماز پڑھاکر طے کردہ اجرت لے تو یہ جائز ہے۔
فتاویٰ شامی میں ہے:
"أن أخذ الأجرة على الطاعة لا يجوز مطلقا عند المتقدمين، وأجاز المتأخرون على تعليم القرآن والأذان والإمامة."
(ج:2، ص: 199، ط: دارالفکر بیروت)
فقط والله أعلم
فتوی نمبر : 144407101096
دارالافتاء : جامعہ علوم اسلامیہ علامہ محمد یوسف بنوری ٹاؤن
