میں نے کتاب" رہنمائے اسلامی نام" کےسیکشن" صحابیات رضی اللہ عنہن کے نام" میں دیکھ کر اپنی بچی کا نام عیشاء رکھا ہے، جو کہ عیشاء بنت حارس کے نام کی نسبت سے ہے۔ ان کے بارے میں کوئی تفصیل بتانا اور ان کی زندگی سے متعلق آگاہی فراہم کرے۔ کیا اس نام کوئی معنی ہے؟ یہ نام رکھنا کیسا ہے؟
لفظ " عیشاء" صحابیات رضی اللہ عنہن اجمعین کے ناموں میں ہمیں نہیں ملا، اور مذکورہ لفظ عربی میں مستعمل نہیں ہے؛ لہذابچی کا نام عیشاء رکھنا درست نہیں ہے،تاہم " عیشاء " کےصیغہ کے بجائے " عیشۃ" عین کے نیچے زیر کے ساتھ اور شین کے فتحہ کے ساتھ اس کا معنی زندگی کے ہیں اور اس معنی کے اعتبار سے یہ نام رکھنا درست ہے۔
البتہ بچوں کے اچھے بامعنی نام پر رکھنا چاہئیں، ہماری ویب سائٹ پر اسلامی ناموں کے عنوان سے ایپلیکیشن موجود ہے، جس میں آپ اپنی مرضی کے نام کا انتخاب کرسکتے ہیں۔
معجم الوسیط میں ہے:
"(عَاشَ) عَيْشًا وعيشة ومعاشا صَار ذَا حَيَاة فَهُوَ عائش".
(معجم الوسيط: باب العين (2/ 639)، ط. دار الدعوة)
فقط واللہ اعلم
فتوی نمبر : 144310100644
دارالافتاء : جامعہ علوم اسلامیہ علامہ محمد یوسف بنوری ٹاؤن
