سوال

میں نیٹ پر پڑھتی رہتی ہوں کچھ نہ کچھ، ایک دن حرمتِ مصاہرت کا علم میرے سامنے آیا اور میں نے پڑھا ، مجھےتب سے وہم اور خوف ہوگیا، پہلے بھی میں اس ہی گھر میں نارمل رہتی تھی، ابھی ہر وقت ڈر رہتا ہے کہ کہیں کچھ نہ ہوجائے، ایک دن سسر کو کوئی چیز پکڑا رہی تھی، ساتھ ساس کی بات سسر سن رہے تھے کہ اچانک میرا دھیان ہوا کہ میرا ہاتھ چیز پکڑاتے ہوئےسسر سے ٹچ ہوا اور میرے دل کی دھڑکن تیز ہوگئی، جسم میں حرکت اور خوف محسوس ہوا، میں نے فوراً ہاتھ ہٹایا کیونکہ مجھے اس بارے میں جب سے علم ہوا ہے تب سے ایسا ہورہا ہے، کوئی غلط نیت نہیں تھی۔

جواب

صورتِ  مسئولہ ميں   سائلہ کو  چاہیے کہ جب اس طرح کے وساوس آئیں تو   "أَعُوْذُ بِاللّٰهِ مِنَ الشَّيْطٰنِ الرَّجِيْمِ" اور  "لَا حَوْلَ وَ لَا قُوَّةَ إِلَّا بِاللِّٰه"  کا ورد کرکے ان وساوس کو دور کرے، نیز ایسے موقع پر اپنے آپ کو کسی کام میں مصروف کرلے، فارغ نہ بیٹھے ، تاکہ وساوس تنگ نہ کریں، باقی جو واقعہ سائلہ نےذکر کیا ہے، اس سے حرمتِ مصاہرت ثابت نہیں ہوئی ۔ فقط والله اعلم