سوال

 میں ایسی جگہ رہتا ہوں جہاں ہندو  زیادہ رہتے ہیں،  جب بھی وہ سامنے آتے ہیں تووہ  "رام رام"  کرتے ہیں تو  مجھے ان کے جواب میں کیا کہنا چاہیے؟

جواب

صورتِ مسئولہ  میں آپ کو ان لوگوں کے ساتھ اچھے اخلاق سے پیش آنا چاہیے اور ان سے  جواب میں عام انداز  میں  خیر خیریت  دریافت کر لینی  چاہیے ۔اور ضرورت ہو تو   ’’السَّلَامُ عَلَى مَنِ اتَّبَعَ الْهُدىٰ‘‘ کے الفاظ  سے  سلام کرسکتے ہیں۔ اور وہ سلام کرلے تو جواب میں صرف "وعلیكم" کہہ  دیں۔ نیز  حکمت کے ساتھ ان کو دینِ  اسلام  کا تعارف کرانا چاہیے اور اس کی دعوت  دینی چاہیے۔   

"عن أنس بن مالك رضي الله عنه، قال: قال النبي صلى الله عليه وسلم: " إذا سلم عليكم أهل الكتاب فقولوا: وعليكم."

(الصحیح للبخارى، كتاب الاستئذان، باب: كيف يرد على أهل الذمة السلام (8/57) ط: دار طوق النجاة)

فقط واللہ اعلم