بچی کا نام (حباء) رکھنا چاہئے یا (ہبہ)؟
’’حِباء‘‘ (’’ح‘‘ کے زیر اور آخر میں ’’ہمزہ‘‘ کے ساتھ) عربی زبان میں تحفہ کو کہتے ہیں، اس لفظ کو اردو میں ’’حِبا‘‘ (بغیر ’’ہمزہ‘‘ کے) بھی لکھ سکتے ہیں، اسی طرح ’’ہبہ‘‘ بھی ’’ہدیہ / گفٹ‘‘ کو کہتے ہیں، معنی کے اعتبار سے ان دونوں ناموں میں سے کوئی بھی نام رکھا جا سکتا ہے، البتہ بچی کا نام صحابیات رضی اللہ عنہن کے ناموں میں سے کسی نام پر رکھنا زیادہ پسندیدہ ہے۔
تاج العروس میں ہے:
"(و) حبا (فلانا) حبوا} وحبوة: (أعطاه بلا جزاء ولا من، أو عام) ؛ ومنه حديث صلاة التسبيح: (ألا أمنحك ألا {أحبوك) ، (والاسم} الحباء، ككتاب."
(باب الواو والياء، فصل الحاء مع الواو والياء، حبو، ج: 37، ص: 391، ط: دار الهداية)
لسان العرب میں ہے:
"الهبة: العطية الخالية عن الأعواض والأغراض."
(ب، فصل الواو، ج: 1، ص: 803، ط: دار صادر)
فقط والله اعلم
فتوی نمبر : 144408101605
دارالافتاء : جامعہ علوم اسلامیہ علامہ محمد یوسف بنوری ٹاؤن