حیبہ رحمان نام رکھنا کیسا ہے ؟
"حیبہ" نام کا معنی ہمیں کسی لغت میں نہیں ملا ۔
"رحمان " کا معنی ہے بڑا مہربان ، زبردست رحمت والا ۔
اس نام میں اصل نام چوں کہ" حیبہ "ہے ، اور اس کا کو ئی معنی نہیں ہے ، رحمان کو بطور لاحقہ کے طور پر لگا یا جارہا ہے ، اس لیے مذکورہ نام بے معنی ہونے کی وجہ سے درست نہیں ہے ۔
اس سے ملتا جلتا ایک لفظ ہے" هيبه" جس كا معنی ہے ڈر ، خوف ، رعب ، جلال ، وقار ، اسی طرح اس سے ملتا جلتا ایک دوسرا نام "ہبہ" ہے، جس کا معنی ہے ہدیہ (گفٹ)، ان مذکورہ نام کے ساتھ ملاکر ہیبہ رحمان یا ہبہ رحمان نام رکھنا درست ہے ، البتہ مذکورہ نام کے بجائے صحابیات کے ناموں میں کسی نام کا انتخاب کرکے رکھنا زیادہ بہتر ہوگا۔
قاموس الوحید میں ہے :
"الهيبة: ڈر ، خوف ، رعب ، جلال ، وقار".
(باب الھاء ص: 1406 ط: ادارہ اسلامیات)
لسان العرب میں ہے :
"الهبة: العطية الخالية عن الأعواض والأغراض".
(حرف الباء ، فصل الواو ج: 1 ص: 803 ط: دار صادر)
فقط واللہ اعلم
فتوی نمبر : 144412100588
دارالافتاء : جامعہ علوم اسلامیہ علامہ محمد یوسف بنوری ٹاؤن