سوال

عرض ہے ایک مولانا صاحب بیان کررہے تھے کہ ایک آدمی نے ایک عورت سے کہا تم میرے ساتھ شادی کرلو یا گناہ کرو، میرے دل میں تمہارے بارےمیں عجیب خیال آتے ہیں،اس عورت نے کہا کہ میری شرط یہ ہے کہ چالیس دن حضرت عمر رضی اللہ تعالیٰ عنہ کی اقتداء میں نماز پڑھو گے، شرط قبول ہوئی، جس کی وجہ سے اس آدمی کے دل سے غلط خیال ختم ہوگیا۔

اس واقعہ کی تحقیق درکار ہے۔

جواب

زیرِ نظر واقعہ مشہور بہت ہے،لیکن تتبع وتلاشِ بسیار کے بعد بھی یہ واقعہ تاریخ کی کسی کتاب میں ہمیں نہیں مل سکا جس سے اس کی سند واضح ہو؛ اس لیے اس واقعہ کو بیان کرنے سے اجتناب کیاجائے۔

فقط واللہ اعلم