کیا حضرت عمر پر بنائی گئی ڈرامہ سیریز دیکھنا جائز ہے؟
واضح رہے کہ جاندار کی تصاویر یا موسیقی پر مشتمل ویڈیوز دیکھنا، اسے آگے شیئر کرنا یا دوسروں کو اسے دیکھنے کی ترغیب دینا ناجائز اور حرام ہے، صورتِ مسئولہ میں ذکر کردہ ڈرامہ میں مذکورہ تمام خرابیاں پائی جارہی ہیں، نیز اس میں صحابہ کرام رضوان اللہ علیہم اجمعین کی عکس کشی بھی کی گئی ہے، جس میں ایک گنا ان مقدس ہستیوں کی تنقیص کا پہلو بھی پایا جا رہا ہے، لہٰذا مذکورہ فلم دیکھنا قطعاً ناجائز اور حرام ہے۔
بخاری شریف میں ہے:
"عن عبد الله قال: سمعت النبي ﷺ یقول: ’’إن أشد الناس عذاباً عند الله المصورون."
(کتاب اللباس، باب عذاب المصورین یوم القیامة، ج:2، ص: 880، ط: دار طوق النجاة)
مشکاۃ المصابیح میں ہے:
"وعن جابر قال: قال رسول الله صلى الله عليه وسلم: الغناء ينبت النفاق في القلب كما ينبت الماء الزرع ."
(کتاب الآداب، باب البیان والشعر، ج:3، ص:1355، ط: المکتب الاسلامی)
فقط والله أعلم
فتوی نمبر : 144503100990
دارالافتاء : جامعہ علوم اسلامیہ علامہ محمد یوسف بنوری ٹاؤن