حضرت علی رضی اللہ تعالی عنہ نے ولادت کے وقت پیغمبر کی گود میں کون سی سورۃ اور کون سے آیت پڑھی تھی ؟
حضرت علی رضی اللہ تعالی عنہ کی پیدائش حضور صلی اللہ علیہ وسلم کی بعثت سےدس سال قبل مکہ مکرمہ میں ہوئی ،اور حضور صلی اللہ علیہ وسلم کے زیر سایہ تربیت فرمائی ،قرآن کا نزول تو آپ رضی اللہ تعالی عنہ کی پیدائش کے دس سال بعد شروع ہوا ہے،لہذا یہ بات کہ آپ کی پیدائش آپ صلی اللہ علیہ کی گود میں ہوئی ہے اور آپ قرآن کی سورۃ یا آیت تلاوت فرما رہے تھے درست نہیں ہے۔
الإصابة في تمييز الصحابة میں ہے:
"علي بن أبي طالب بن عبد المطلب بن هاشم بن عبد مناف القرشي الهاشمي أبو الحسن أول الناس إسلامًا في قول كثير من أهل العلم ولد قبل البعثة بعشر سنين على الصحيح فربى في حجر النبي صلى الله عليه وسلم ولم يفارقه."
(ج:4،ص:464،ط:دار الکتب العلمیہ)
فقط واللہ اعلم
فتوی نمبر : 144509100554
دارالافتاء : جامعہ علوم اسلامیہ علامہ محمد یوسف بنوری ٹاؤن
