سوال

 حاجی امداد اللہ مہاجر مکی؛ مولانا رشید گنگوہی؛ حضرت مولانا اشرف علی تھانوی علیہم الرحمہ تصوف میں ان کا سلسلہ کیا ہے چشتی، سہروردی، نقشبندی،قادری ؟ رہنمائی فرمائیں۔

جواب

حضرات اکابر دیوبند حضرت مولانا رشیداحمد گنگوہی رحمة اللہ علیہ(المتوفیٰ:1905ء)  اور حضرت مولانا اشرف علی تھانوی رحمة اللہ علیہ (المتوفیٰ: 1943ء)سلوک و تصوف میں سید الطائفہ حضرت حاجی امداداللہ مہاجر مکی رحمة اللہ علیہ سے بیعت تھے اور ان حضرات کو حضرت حاجی صاحب رحمة اللہ علیہ(المتوفیٰ:1899ء) سے اجازت و خلافت حاصل تھی، اور  حضرت حاجی صاحب رحمہ اللہ  چاروں سلسلہ تصوف (چشتیہ/ سہروردیہ/ قادریہ/ نقشبندیہ) میں مجاز تھے ، لیکن سالکین کی تربیت  عموماچشتیہ سلسلہ کے مطابق فرماتے تھے ۔

امداد المشتاق الی اشرف الاخلاق للتھانویؒ میں ہے:

"اور حضرت نے سلوکِ سلاسلِ اربعہ عموماً وطریقِ چشتیہ صابریہ خصوصاً کیااور خرقہ وخلافتِ تامّہ واجازتِ خاصّہ وعامّہ سے مشرف ہوئے"۔

(حالاتِ تاریخی، مہارت درصنائع ضروریہ، حال:5، ص:12، ط:اسلامی کتب خانہ)

فقط واللہ اعلم