سوال

ہیپی نیو ایئر کہنا جائز ہے یا نہیں؟

جواب

اولاً تو یہ بات سمجھ لی جائے کہ مسلمانوں  کے نئے سال کا آغاز محرم الحرام سے ہوتا ہے۔

نیز سال نو کے آغازکے موقع پر ہیپی نیو ایئر کہناشریعت میں ثابت نہیں، اس لیے بطور رسم  کہنے سے اجتناب کرنا چاہیے۔  البتہ عبادت یا ضروری سمجھے بغیر اگر کوئی کہہ دے اور خیر و برکت کی دعاکرے تو حرج نہیں۔

تاہم نئے اسلامی سال کے شروع میں درج ذیل دعا پڑھنا بعض روایات سے ثابت ہے، اگر انگریزی سال کے آغاز پر   بھی یہ دعا پڑھ لی جائے تو اس میں حرج نہیں ہے۔

وہ دعا یہ ہے:

"اللَّهُمَّ أَدْخِلْهُ عَلَيْنَا بِالْأَمْنِ وَالْإِيمَانِ، وَالسَّلَامَةِ وَالْإِسْلَامِ، وَرِضْوَانٍ مِنَ الرَّحْمَنِ، وَجِوَارٍ مِنَ الشَّيْطَانِ".

ترجمہ: اےاللہ اس چاند کو ہمارے اوپر امن، ایمان، سلامتی اور اسلام کے ساتھ اور رحمن کی رضامندی اور شیطان کےبچاؤ کے ساتھ داخل فرما۔

مجمع الزوائد ومنبع الفوائد  میں ہے:

"وعن عبد الله بن هشام قال: كان أصحاب رسول الله صلى الله عليه وسلم  يتعلمون هذا الدعاء إذا دخلت السنة أو الشهر: "اللهم أدخله علينا بالأمن والإيمان، والسلامة والإسلام، ورضوان من الرحمن، وجوار من الشيطان".

(باب مایقول اذا رأى مایعجبہ،ج:۱۱۰، صفحہ: ۱۳۹، ط: ط:مکتبۃ القدسی،القاھرہ)

فقط واللہ اعلم