سوال

حنیفہ ، حنبل ، مالک ، شافعی یہ چار نام رکھنا کیسا ہے؟

جواب

حنیفہ نام کا معنیٰ ہے: دینِ اسلام کی طرف مائل ہونے والی اور استقامت کے ساتھ چلنے والی، یہ نام رکھا جا سکتا ہے، "حنیفہ"  نام کے دو صحابی بھی گزرے  ہیں۔

"حنبل"  بھی ایک قول کے مطابق  صحابی کا نام ہے، (لیکن یہ امام احمد بن محمد بن حنبل کے دادا نہیں ہیں)۔ اچھا نام ہے، رکھا جا سکتا ہے۔

مالک بھی اچھا نام ہے،  صحابہ و تابعین کے ناموں میں سے ہے، یہ نام بھی رکھا جا سکتا ہے۔

شافعی ایک نسبت ہے جو حضرت  شافع بن سائب رضی اللہ عنہ کی طرف منسوب ہے، امام محمد بن ادریس الشافعی کا نسب  چوں کہ مذکورہ صحابی سے ملتا ہے، اس مناسبت سے ان کا لقب شافعی ہوا، اگر یہ نام رکھنا ہو تو بہتر ہوگا کہ   "شافع"  نام رکھا جائے۔

تاج العروس (ص: 5785، بترقيم الشاملة آليا):

"ومعنى الحَنِفِيَّةِ في اللُّغَةِ : المَيْلُ والمعنى أَنَّ إِبْرَاهِيمَ حَنِفَ إِلى دِينِ اللهِ ودِينِ الإِسْلامِ."

تاج العروس (ص: 5786، بترقيم الشاملة آليا):

"وحَنِيفَةُ : وَالِدُ حِذْيَمٍ وحَنِيفَةُ الرَّقَاشِيِّ صَحَابِيَّانِ."

تذكرة الحفاظ للذهبي (1/ 265):

" الشافعي الإمام العلم حبر الأمة أبو عبد الله محمد بن إدريس بن العباس بن عثمان بن شافع بن السائب بن عبيد بن عبد يزيد بن هاشم بن عبد المطلب بن عبد مناف بن قصي بن كلاب القرشى المطلبي الشافعي المكي."

الإصابة في تمييز الصحابة (3/ 310):

"شافع بن السائب بن عبيد بن عبد يزيد بن هاشم بن المطلب المطلبي جد الإمام الشافعي."

فقط واللہ اعلم