سوال

کیا حمام میں کپڑے لٹکانا جائز ہے؟

جواب

حمام یا باتھ روم میں کپڑے لٹکانے میں شرعاً کوئی حرج نہیں، ضرورت کے موقع پر کپڑے لٹکائے جا سکتے ہیں اور جب تک باتھ روم کی دیواروں پر یقینی طور پر کوئی نجاست نہ لگی ہوئی ہو اور  کپڑے اس کے ساتھ لگنے سے اس نجاست کا اثر کپڑوں میں نہ آجائے، اس وقت تک کپڑے ناپاک بھی  نہیں ہوں گے، اس لیے اس میں حرج محسوس نہ کرنا چاہیے، بس یہ خیال رہے کہ حمام میں ایسی جگہ کپڑے   نہ لٹکائے جائیں جہاں ناپاکی کی چھینٹیں آنے کا اندیشہ ہو۔ فقط واللہ اعلم