سوال

حاملہ عورت کے روزے قضا ہونے کی صورت میں روزے کا فدیہ دیا جاسکتا ہے یا بعد میں خود رکھنا ضروری ہے؟ 

جواب

اگر حاملہ عورت کو ظنِ غالب ہو کہ روزہ رکھنے  کی صورت میں خود اس کی جان یا بچے کی صحت  کو خطرہ ہوسکتا ہے تو  اس حالت میں عورت روزہ چھوڑسکتی ہے، لیکن اس صورت میں ان قضا شدہ روزوں کی بعد میں قضا کرنا واجب ہے، فدیہ ادا کرنا سے روزے ذمہ سے ساقط نہیں ہوں گے۔

فتاوی تاتارخانیہ میں ہے:

"وقال في الاصل: إذا خافت الحامل أو المرضع على أنفسهما أو على ولدهما جاز الفطر و عليهما القضاء". ( ٢/ ٣٨٤، إدارة القرآن و العلوم الإسلامية) فقط والله أعلم