سوال

رمضان المبارک کی رات جماع کے بعد اسی حالت میں روزہ رکھا جا سکتا هے؟

جواب

رمضان  المبارک  کی  راتوں  میں  غسلِ جنابت  فرض  ہوجانے  کے بعد  صبح صادق سے پہلے غسل کرکےسحری کرنی چاہیے، البتہ اگر سحری ناپاکی کی حالت میں کرلی تو بھی روزہ ہوجائے گا، تاہم فجر کی نماز سے پہلے غسل کرکے فرض نماز مسجد میں جماعت کے ساتھ ادا کی جائے، اگر غسل میں اتنی تاخیر کی کہ فجر کی نماز قضا ہوگئی تو گناہ گار ہوگا۔

فتاوی عالمگیری میں ہے:

"ومن أصبح جنبًا أو احتلم في النهار لم يضره، كذا في محيط السرخسي."

(الفتاوى الهندية: كتاب الصوم ، الباب الثالث فيما يكره للصائم وما لا يكره (1/ 200)،ط. رشيديه)

فقط واللہ اعلم