سوال

1- تازہ وضو ہو اور دوبارہ حاجت کے لئے جائے تو دوبارہ وضو کرناہوگا؟

2- اٹیچڈ باتھ روم میں وضو ہوجاتا ہے؟

جواب

1-مذکورہ صورت میں دوبارہ حاجت کے لیے جاکر   پیشاب یا پاخانہ کرنے سے وضو ٹوٹ جائے گا، از سرِ نو وضو کرنا ہوگا۔

2- مروجہ  مشترکہ غسل خانہ اوربیت الخلا جہاں غسل اور قضائے حاجت کی جگہ کے درمیان کوئی حائل نہیں ہوتاہے، اس قسم کے غسل خانوں میں وضو کرنا تو درست ہے، تاہم ایسے باتھ روم میں زبان سے ذکر یا دعا پڑھنے کی اجازت نہیں ہے، لہٰذا وضو  سے پہلے، وضو کے دوران اور اس کے بعد کی دعائیں نہ پڑھی جائیں؛ کیوں کہ یہ بیت الخلا میں پڑھنا شمارہوگا، البتہ زبان سے پڑھنے کے بجائے دل میں پڑھ لے تو درست ہے۔ فتاوی شامی میں ہے :

"(قوله: إلا حال انكشاف الخ ) الظاهر أن المراد أنه يسمى قبل رفع ثيابه إن كان في غير المكان المعد لقضاء الحاجة، وإلا فقبل دخوله فلو نسي فيها سمي بقلبه ولا يحرك لسانه تعظيماً لاسم الله تعالى". (1/109)

  فقط واللہ اعلم