السلام علیکم، 1۔ میرا سوال یہ ہے کہ غسل جنابت کی حالت میں کھانے پینے کی چیزوں اور برتنوں کو ہاتھ لگانے سے وہ ناپاک ہوجاتے ہیں یا نہیں؟ 2۔ غسل کے دوران استعمال شدہ پانی کی چھینٹیں بالٹی کے پانی میں جانے سے ناپاک تو نہیں ہوگا؟ جزاک اللہ
1- جنابت کی حالت میں جسم کی ناپاکی حکمی ہے، ظاہری نہیں۔ لہذا جب تک ہاتھوں پر کوئی ظاہری نجاست نہ ہو تو کسی بھی پاک چیز کو جنابت کی حالت میں صرف ہاتھ لگانے سے وہ ناپاک نہیں ہوگی۔ 2- ایسی چھینٹوں سے پانی ناپاک نہیں ہوتا، لیکن غسل کرتے وقت اس بات کی احتیاط کریں کہ چھینٹیں بالٹی میں نہ جائیں۔ فقط واللہ اعلم
فتوی نمبر : 143407200010
دارالافتاء : جامعہ علوم اسلامیہ علامہ محمد یوسف بنوری ٹاؤن