سوال

کیا مباشرت کے بعد فورًا حیض آنے کے بعد نہانا ٹھیک ہے؟

جواب

جنابت کی حالت میں کسی عورت کو ماہواری آجائے تو اس پر غسلِ جنابت فرض نہیں رہتا؛ اس لیے کہ غسلِ جنابت تو پاکی کے لیے ہوا کرتا ہے اور جب تک وہ عورت ایامِ حیض میں ہے تو پاکی کا تصور ہی نہیں ہوسکتا، لہذا  ایامِ حیض میں عورت  غسلِ طہارت نہیں کرے گی، ایام ختم ہونے پر پاکی کا غسل کرنا ہوگا، اس لیے ایسی صورت میں ایامِ حیض میں غسلِ جنابت واجب نہیں۔ ہاں ویسے نظافت یا ٹھنڈک وغیرہ کے لیے غسل کرتی ہے تو کرسکتی ہے۔ فقط واللہ اعلم