سوال

 حج کے کن کن مواقع پر دعائیں مانگنی  چاہیے جو مستند ہو اور شریعت کی رو سے ثابت ہے ؟

جواب

حج میں جن مقامات میں خاص طور پر دعا قبول ہوتی ہے وہ یہ ہیں :

1. بیت اللہ شریف پر پہلی نظر پڑتے وقت
2. ملتزم کے پاس (حجر اسوداور خانہ کعبہ  کی چوکھٹ کے درمیان کی جگہ کو ملتزم کہتے  ہیں یہ حصہ تقریباً دو میٹر کا ہے )
3. میزاب ِ رحمت  کے نیچے (بیت اللہ شریف کی شمالی جانب  چھت سے بارش کا پانی  گرنے کے لیے سونے کا جو پرنالہ بنایا گیا ہے )
4. بیت اللہ شریف کے اندر 
5. زم زم پیتے وقت
6. مقام ابراہیم کے پیچھے
7. صفا ،مروہ پر 
8. سعی میں 
9. عرفات کے میدان میں 
10. منی اور مزدلفہ میں 
11. رمی کے وقت
12. جمرات کے پاس
13. حطیم اور رکن یمانی کے درمیان
14. طواف کے دوران
15. زم زم کے کنویں کے پاس

الدر المختار میں ہے :

"وهو من مواضع الإجابة وهي بمكة خمسة عشر نظمها صاحب النهر فقال:

دعاء البرايا يستجاب بكعبة … وملتزم والموقفين كذا الحجر

طواف وسعي مروتين وزمزم … مقام وميزاب جمارك تعتبر

زاد في اللباب: وعند رؤية الكعبة وعند السدرة والركن اليماني، وفي الحجر وفي منى في نصف ليلة البدر".

(کتاب الحج،ھ:2،ص:507،508،سعید)

فقط والله اعلم