سوال

اگر میرے پاس حج پر جانے کا خرچہ چند ماہ یا ایک سال میں آجائے اور میری منگنی ہوئی ہے تو کیا مجھے اپنی شادی کا انتظار کر کے بیوی کو بھی ساتھ لے جانا لازم ہے یا مجھے ابھی خود سے جاکر حج کرلینا چاہیے؟

جواب

صورت مسئولہ میں آپ پر شادی کا انتظار کرنا اور بعد میں بیوی کے ساتھ جانا لازم نہیں ہے، اگر آپ کے پاس اتنے پیسے جمع ہوگئے ہیں کہ آپ پر حج فرض ہوگیا ہے تو آپ اکیلے جاکر حج ادا کریں    اگر شادی سے پہلے حج فرض ہونے کے بعد حج کا موقع ملا اور حج نہیں کیا اور بعد میں حج کرنے سے پہلے موت ہوگئی تو حج نہ کرنے کی صورت میں حج بدل کی وصیت کرنی ضروری ہو گی،اور بروقت حج نہ کرنے میں خود تاخیر کی ، کوشش ہی نہ کی تو گناہ ہوگا۔

اللباب في شرح الكتاب  میں ہے :

" (واجب) : أي فرض في العمر مرة"

(كتاب الحج، ج1، ص178، المكتبة العلمية)

فقط والله أعلم