سوال

 زید اور ہندہ دونوں حج کے لیے گئے ، اور دونوں حج کے ارکان اور اوراد و وظائف میں مشغول ر ہے، لیکن نو ذوالحجہ کو ہندہ کے ایام حیض شروع ہو گئے اور اور ان کو ماہ واری کا خون دس دن آتا ہے اور اٹھارہ تاریخ کو ان کی واپسی کا ٹکٹ ہے تو اس صورت حال میں ہندہ کو کیا کرنا چاہیے؟ نیز یہ ذہن نشین رہے کہ طواف زیارت جو کہ حج کا رکن ہے اسے کیسے پورا کرے؟ طواف زیارت کو وہ چھوڑ کر آئے؟ یا پھر پورا کرے اگر پورا کرے تو کیسے ؟ اور اگر طواف زیارت نہیں کرتی تو اس کا حج ہی نا  مکمل رہا کیوں کہ طواف زیارت حج کا رکن ہے؟

جواب

صورت ِ مسئولہ میں   ہندہ  اسی حالت حیض میں طوافِ  زیارت کرلے اور   حدودِ حرم میں ایک بدنہ (اونٹ، گائے یا بھینس)  ذبح کرے۔ 

بدائع الصنائع میں ہے :

"فأما الطهارة عن الحدث، والجنابة، والحيض، والنفاس فليست بشرط لجواز الطواف، وليست بفرض عندنا بل واجبة حتى يجوز الطواف بدونها."

(کتاب الحج ،فصل شرط وواجبات طواف الزیارۃ،ج:2،ص:129،دارالکتب العلمیۃ)

البحرالرائق میں ہے :

"و إنما ‌لزمت ‌البدنة فيما إذا طاف جنبا؛ لأن الجنابة أغلظ فيجب جبر نقصانها بالبدنة إظهارا للتفاوت بين الأصغر و الأكبر و يلحق به ما إذا طافت حائضا أو نفساء، و ليس موضعًا ثالثًا كما في فتح القدير."

(کتاب الحج،باب الجنایات فی الحج،ج:3،ص:76،دارالکتاب الاسلامی)

فقط واللہ اعلم