سوال

 میری بیٹی کا نام میں نے "ہیبہ بتول" رکھا ہے، اس کا مطلب کیا ہے؟ مہربانی راہنمائی فرما دیں!

جواب

"ہیبہ" ـ(هَیْبَهْ) کا معنی  "رعب، دہشت اور ڈر" ہے۔

’’بتول‘‘ کا معنی ہے: زاہدہ خاتون، یعنی اللہ کی رضا کے لیے اپنی دنیوی خواہشات کو قربان کرنے والی خاتون۔

اس نام میں اصل نام چوں کہ  "ہیبہ" ہے، "بتول" کو لاحقہ کے طور پر لگایا جارہا ہے،  جب کہ "ہیبہ" نام بعض معانی کے اعتبار سے مناسب نہیں ہے، گو بعض درست معانی کی وجہ سے جائز ہے؛ اس لیے مذکورہ نام کے بجائے صحابیات کے ناموں میں کسی نام کا انتخاب کرکے رکھنا زیادہ بہتر ہوگا۔

البتہ اگر آپ "ہبہ بتول" نام رکھنا چاہتے ہیں تو یہ نام درست ہے، رکھ سکتے ہیں، "ہبہ" کا معنٰی ہے: "ہدیہ/ گفٹ"۔

ہماری ویب سائٹ اور ایپلی کیشن میں "اسلامی ناموں" کےعنوان سے ایک آپشن موجود ہے، وہاں سے بھی آپ نام کا انتخاب کرسکتے ہیں۔ فقط واللہ اعلم