سوال

 حضرت ابو برزہ رضی اللہ عنہ فرماتے ہیں کہ میں نے رسول اللہ صلی اللہ علیہ والہ وسلم سے عرض کیا : اے اللہ کے نبی مجھ کو کوئی بات ایسی بتلائیے جس سے میں فائدہ اٹھاؤں،آپ صلی اللہ علیہ والہ وسلم نے ارشاد فرمایا : مسلمانوں کے راستے سے تکلیف دہ چیز ہٹا دیا کرو۔

کیا مذکورہ حدیث ، احادیث کی کتابوں میں موجود ہے ؟

جواب

مذکورہ روایت کئی کتب ِحدیث میں موجود ہے، مختصرا مسلم شریف سے حوالہ پیش خدمت ہے،ا مام مسلم رحمه الله  (المتوفى: 261ھـ) اپنی سند سے نقل فرماتے ہیں:

"عن أبي برزة، قال: قلت: يا نبي الله، علمني شيئا أنتفع به، قال: «اعزل الأذى عن طريق المسلمين»."

يعني حضرت ابو برزہ رضی اللہ عنہ فرماتے ہیں کہ میں نے رسول اللہ صلی اللہ علیہ والہ وسلم سے عرض کیا : اے اللہ کے نبی ، مجھے کوئی بات ایسی بتلائیے جس سے میں فائدہ اٹھاؤں، آپ صلی اللہ علیہ والہ وسلم نے ارشاد فرمایا : مسلمانوں کے راستے سے تکلیف دہ چیز ہٹا دیا کرو۔

(صحيح مسلم،  باب فضل إزالة الأذى عن الطريق (4/ 2021) برقم (2618)، ط/ دار إحياء التراث العربي - بيروت)

فقط واللہ اعلم