رسول اللہ صلی اللہ علیہ والہ وسلم نے ارشاد فرمایا: مریضوں کی عیادت کیا کرو اور جنازوں میں شرکت کیا کرو ، یہ تمہیں آخرت کی یاد دلاتے رہیں گے۔
کیا یہ حدیث مسند احمد میں موجود ہے ؟ رہنمائی فرمائیں ۔
مذکورہ روایت’’ مسند احمد‘‘ میں تین مقامات پر موجودہے،اورحضرت ابو سعید خدری رضی اللہ عنہ سے منقول ہے، متنِ حدیث و حوالہ ملاحظہ فرمائیے :
"عَنْ أَبِي سَعِيدٍ الْخُدْرِيِّ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: «عُودُوا الْمَرِيضَ، وَامْشُوا مَعَ الْجَنَائِزِ تُذَكِّرْكُمُ الْآخِرَةَ»."
(مسند أحمد، مسند أبي سعيد الخدري رضي الله عنه، (17/ 274) برقم (11180)، و(17/ 372) برقم (11270)، و(18/ 32) برقم (11445)، ط/ مؤسسة الرسالة، 1421هـ)
فقط واللہ اعلم
فتوی نمبر : 144502100313
دارالافتاء : جامعہ علوم اسلامیہ علامہ محمد یوسف بنوری ٹاؤن