سوال

حدیث کےصحیح ہونے کی ۵ شرائط کونسی ہیں؟

جواب

حدیثِ  صحیح   کی  متاخرین کے ہاں  تعریف یہ ہے:

"هو ما اتصل سنده بنقل عدلٍ تامّ الضبط، غیر معلّلٍ و لا شاذٍّ، فالحدیث المجمع علی صحته عند المحدثین هو ما اجتمع فیه خمسة شرائط."

(المدخل إلی أصول الحدیث :۹۶، ط: دارالکتب پشاور)

یعنی  حدیث  ِ صحیح وہ ہوتی ہے جس میں کم از کم  5 شرائط پائی جاتی ہوں:

۱) اس کی سند متصل ہو(منقطع نہ ہو)۔

۲) تمام راوی عادل ہوں۔

۳)تام الضبط ہوں (یعنی  ان تمام راویوں کا حافظہ بھی قوی ہو)۔

۴) حدیث معلل نہ ہو ۔

۵) حدیث شاذ نہ ہو۔

فقط واللہ اعلم