سوال

اگر جی ٹی ایم میں جاندار چیز نا ہو پھر کیسا ہے؟

جواب

اگر جی ٹی ایم سے مراد    اشتہارات ومارکیٹنگ  کی سروسز فراہم کرنے والی  "جی ٹی ایم ایپلیکیشن"  ہے تو اس کا شرعی حکم یہ ہے کہ اس سے نفع کمانا جائز نہیں، اس لیے کہ اس میں کئی قسم کے مفاسد ہیں:

1: اس میں ویڈیوز کو لائک اور سبسکرائب کرنے کا ٹاسک دیا جاتا ہے، اور ان ٹاسک کو پورا کرنے پر رقم  حاصل ہوتی ہے،  اور محض ویڈیوز لائک کرنا سبسکرائب کرنا کوئی  مقصودی کام نہیں ہے ، لہذا اس کے عورض اجرت لینا جائز نہیں ہے۔

2: ان ویڈیوز میں   جان  دار  کی تصاویر، ناچ گانے اور میوزک وغیرہ ہوتا ہے، اور یہ سب ناجائز  امور ہیں۔

3: مصنوعی طریقہ سے  چینل کے ریٹنگ کو بڑھانے کے  لیے  ویڈیوز کو  لائیک کرنا ، یہ دوسروں کو دھوکہ دینے کا سبب ہے۔

2- اس میں ملٹی لیول مارکیٹنگ کے ذریعے بھی رقم حاصل ہوتی ہے، جوکہ جائزنہیں ہے۔

3- اس ایپ میں کئی قسم کے پیکج ہیں، کسی ایک پیکج کو منتخب کرنے کے بعد اس پیکج سے متعلق  مختص رقم دی جاتی ہے، تو شرعی اعتبار سے یہ نہ تو مضاربت ہے اور نہ ہی کوئی اور شرعی معاملہ۔

لہذا مذکورہ ایپ سے رقم کمانا جائز نہیں، نیز مذکورہ تفصیل سے معلوم ہوا کہ  "جی ٹی ایم ایپلیکیشن" کے ناجائز ہونے کی وجہ سے صرف جان دار کی تصاویر نہیں ہیں، بلکہ اور بھی متعدد وجوہات  کی وجہ سے یہ ناجائز ہے۔

تفسیر ابن کثیر میں ہے:

"{ولا تعاونوا على الاثم و العدوان}، یأمر تعالی عبادہ المؤمنین بالمعاونة علی فعل الخیرات وهوالبر و ترك المنکرات و هو التقوی، و ینهاهم عن التناصر علی الباطل و التعاون علی المآثم والمحارم."

(2/ 12 ، الآیة: 1، ط: دار طيبة)

فتاوی شامی میں ہے:

"قال في التتارخانية: وفي الدلال والسمسار يجب أجر المثل، وما تواضعوا عليه أن في كل عشرة دنانير كذا فذاك حرام عليهم. وفي الحاوي: سئل محمد بن سلمة عن أجرة السمسار، فقال: أرجو أنه لا بأس به وإن كان في الأصل فاسدا لكثرة التعامل وكثير من هذا غير جائز، فجوزوه لحاجة الناس إليه كدخول الحمام."

(6/ 63، کتاب الاجارہ، باب الاجارۃ الفاسدہ، مطلب فی اجرۃ الدلال، ط: سعید)

فقط واللہ أعلم